झटपट काळा मसाला (सोलापुरी मसाला ) (Instant)kala Masala (solapuri Masala) 1 kg

                      झटपट (Instant)  काळा  मसाला (सोलापुरी  मसाला ) १ किलो 

                                        साठवणीतला  मसाला

  तुम्हांला   सर्वप्रथम  दोन  वेगवेगळया   प्रकारच्या  मिरच्याची  पावडर  घ्यायला  लागतील ,त्यापुढील प्रमाणे   : -
                
     १.      तिखट  लाल  मिरची  पावडर . (लवंगी  मिरची )
      
    २.       बेडगी  लाल  मिरची पावडर . 
                                                      
    प्रथम  या  दोन्ही  मिरच्या   निवडून  चांगल्या  स्वच्छ  करून   घ्याव्यात  आणि   नंतर  ४  ते  ५ दिवस  चांगल्या  उन्हात  सुकवाव्यात (वळवाव्यात )

        
साहित्य     : -

• १/२ किलो  तिखट  लाल  मिरची पावडर 
• २५० ग्रॅम   बेडगी  मिरची पावडर 
• १०० ग्रॅम  मीठ 
• १००ग्रॅम  कांदा 
• ५० ग्रॅम  सुकलेले  खोबरे
• ५ ग्रॅम  बदामफूल 
• ५ ग्रॅम  सोंगडे 
• ५ ग्रॅम  मिरे 
• ५ ग्रॅम  लवंग 
• ५ ग्रॅम  तिळ (पांढरे )
•  ५ ग्रॅम   रामपत्री 
•  ५ ग्रॅम   जावित्री 
• ५ ग्रॅम  मोठी  विलायची 
• ५ ग्रॅम  शहाजिरे 
• ५ ग्रॅम  हिंग  पावडर 
• ५ ग्रॅम  दगडफूल 
• ५ ग्रॅम  मेथी  दाणे 
• ५ ग्रॅम  नाकेश्वर 
• २५ ग्रॅम  मोहरी 
• ५ ग्रॅम  तेजपान 
• २५०ग्रॅम  जिरे (  गोड  )
• १०० ग्रॅम  धने पावडर  
• ५  ग्रॅम  त्रिफळ 
• २५० ग्रॅम  खायचे  तेल ( रोजच्या  तुमच्या  वापरातील )  

कृती     : - 

•   एक  कढई घ्यावी  ती  चांगली  गरम करून घ्यावी . नंतर  एक  -एक  करून  सर्व  गरम मसाला  [तीळ ,तेजपान ,धने पावडर ,शहाजिरे ,जिरे ,त्रिफळ ,नाकेश्वर ,दगडफूल ,मोहरी ,५ ग्रॅम हिंग  ,मोठी विलायची ,जावित्री ,रामपात्री ,लवंग ,मिरे ,बदामफूल ,सोंगडे ,मेथी दाणे )मंद (बारीक ) आचेवर  भाजून  घ्यावा . 
•   नंतर  मीठ  देखील  मंद  आचेवर  भाजून  घ्यावेत .  नंतर सर्व गरम  मसाला  गार  करावे .   जेणेकरून , त्यातील  ओलसर पणा  जाऊन  मीठ कोरडे होईल ( टीप  :  हे  करणे  गरजेचे  आहे  कारण  मीठ  जर तसेच टाकले तर  मिठात ओलसरपणा  तसाच राहतो  आणि  मसाल्यात  जातो  आणि  मसाला  लवकर खराब होतो
• नंतर    सर्व गरम मसाला , मीठ  थंड  करुन मिक्सर  मध्ये  बारीक दळून घ्यावे  . 
• त्यानंतर  एका  कढईत  तेल घ्यावे . तेल चांगले गरम करून  घ्यावे , त्यात कांदा  कापून  मंद आचेवर  लालसर तळून  घ्यावा .(कांदा  थंड  करून  घ्यावा .)
• नंतर तळलेला  कांदा  मिक्सर मधून  किंवा  पाटावर  वाटून  घ्यावे (टीप  :  कृपया  पाणी   टाकूं  नये , गरज  वाटल्यास  कांदा  तळताना  वापरलेलं  तेल थोडं  टाकून  कांद्याचं  वाटण  करून   घ्यावे .)
•  नंतर  मिक्सरमध्ये बारीक केलेला   सर्व गरम मसाला ,मीठ ,बेडगी लाल मिरची पावडर ,लवंगी लाल मिरची पावडर  मोठं  भांड  घेऊन   एकत्र  करून  करून  घ्यावे .  नंतर  त्यात  कांदयाचे   वाटण   घालून  चांगले  एकजीव  करून  घ्यावे . 
• आणि पुन्हा एकदा मिक्सर मध्ये सर्व मिश्रण बारीक  करावे . जेणेकरून , मसाला एकजीव होईल . 
•  १ किलो  मसाला  तयार  होतो . 

साठवण  आणि  काळजी  : 
          
    १.    मसाला आणि  साठवण   करतांना  विशेषकरून  काळजी  घ्यावी  .   हात स्वछ धुवून  घ्यावे                    आणि महत्वाचे  म्हणजे  हात  कोरडे  करावे .  आणि  पाणी  मसाल्यात जाऊ  देऊ  नये  ,त्यामुळे             मसाला  लवकर  खराब  होतो .  

   २.  मसाला  साठवतांना  नेहमी  काचेची   बरणी  वापरावी . स्टील चे  भांड  वापरू नये , कारण                      मसाल्यात  हिंग   असल्यामुळे स्टील च्या   भांड्याला  छिद्र  पडते . 

  ३.    बरणी  स्वच्छ  धुवून  , उन्हात   चांगली  वाळून  घ्यावी  आणि  त्यात  मसाला  भरून  साठवून                  ठेवावा .                                                                                 

बेडगी मिरची पावडर BUY  लिंक  👇 :

https://amzn.to/3D7PLRW

लवंगी  मिरची पावडर  BUY  लिंक 👇:

https://amzn.to/3mmapbe

काचेची  बरणी BUY लिंक 👇 :

https://amzn.to/3go8A9N